#17 - കോഴിത്തീറ്റ നിർമ്മാണം - കേരള പൗൾട്ടറി ഡെവലപ്മെന്റ് കോർപറേഷൻ vs കേരള ഫീഡ്സ് ലിമിറ്റഡ്

മാതൃഭൂമിയിൽ വന്ന ഈ വാർത്ത വിരൽ ചൂടേണ്ട മറ്റു ചില വസ്തുതകൾ കൂടി ഉണ്ട്.

കേരളത്തിൽ കാലിതീറ്റ നിർമ്മാണം ഗവണ്മെന്റ് പൊതുമേഖലാസ്ഥാപനമായ കേരള ഫീഡ്സ് ഭംഗിയായി നടത്തികൊണ്ടുപോകുന്നുണ്ട്. ഒരു നിർമ്മാണ യൂണിറ്റിൽ നിന്ന് തുടങ്ങി 4 യൂണിറ്റിലേക്ക് വളർന്നത് അവരുടെ പ്രവർത്തന മികവുകൊണ്ടാണ്. പശുക്കൾക്കുള്ളതും ആടുകൾക്കുള്ളതുമായ തീറ്റ പ്രത്ത്യേകം അവരുടെ യൂണിറ്റിൽ ഉത്പാദിപ്പിക്കുന്നുണ്ട്.

വളർത്തുമൃഗങ്ങൾക്കുള്ള തീറ്റ നിർമ്മാണം ഏതാണ്ട് ഒരുപോലെയാണ്. മെഷിനറിയിൽ ചെറിയ വ്യത്യാസങ്ങൾ മാത്രം. പ്രോസസ്സ് ഒന്നുതന്നെയാണ്.

ഒരേ ബിസിനസ്സ്, ആ മേഖലയിൽ പ്രവർത്തി പരിചയം ഉള്ളവരുടെ കീഴിൽ കൊണ്ടുവരുന്നതല്ലേ നല്ലത് ? തീറ്റ നിർമാണത്തിന്റെ പ്രധാന ഭാഗം തീറ്റ നിർമിക്കുക എന്നതല്ല മറിച്ഛ് പ്ലാന്റ് ഭംഗിയായി സ്ഥാപിക്കുകയും അത് നടത്തികൊണ്ടുപോകുകയും എന്നതാണ്. മൃഗങ്ങൾക്കുള്ള ഏത് തീറ്റ ആയാലും അതിന്റെ ഗുണനിലവാര പരിശോധന ഒരുപോലെ ആണ് . ആ മേഖലയിലും കേരള ഫീഡ്സ് എന്ന സ്ഥാപനത്തിന് ഉള്ള പ്രവർത്തി പരിചയമാണ് അവരുടെ വിജയത്തിനുള്ള ഒരു കാരണം.

കാലങ്ങളായി വിജയകരമായി കാലിത്തീറ്റനിർമ്മാണത്തിലും ആ ബിസിനസ് നടത്തികൊണ്ടുപോകുന്നതിലും പ്രവർത്തിപരിചയം ഉള്ള അവരുടെ കീഴിൽ കോഴിത്തീറ്റ പ്ലാന്റ് കൊണ്ടുവരുന്നതിന് പകരം ഈ മേഖലയിൽ ഒരു പരിചയവും ഇല്ലാത്ത കേരള പൗൾട്ടറി ഡെവലപ്മെന്റ് കോർപറേഷന് കീഴിൽ കൊണ്ട് വന്നത് എന്തിനാണ്? അത് നടക്കാത്തതിന് ഒരു കാരണം മതിയായ പ്രവർത്തി പരിചയം ഉള്ള ആളുകൾ അത് നോക്കി നടത്താൻ ഇല്ല എന്നത് തന്നെയാണ്. ആ പ്ലാന്റ് നടത്തിപ്പിനായി കേരള ഫീഡ്സിന് വിട്ടുകൊടുത്താൽ അത് നല്ലരീതിയിൽ നടത്തപെടില്ലേ?

കേരളത്തിൽ അരുമമൃഗങ്ങളെ വളർത്തുന്നത് വലിയ ബിസിനസ്സ് ആയി നടക്കുന്ന ഇക്കാലത്ത്, പെഡിഗ്രി, പ്യൂവർപേറ്റ് പോലുള്ള ബ്രാൻഡുകൾ നല്ല രീതിയിൽ ബിസിനസ്സ് നടത്തുന്ന നമ്മുടെ കേരളത്തിൽ അതേപോലെയുള്ള തീറ്റ നിർമ്മാണം എന്ത് കൊണ്ട് തുടങ്ങുന്നില്ല? ഇപ്പോഴുള്ള ഈ കാലിത്തീറ്റ നിർമ്മാണങ്ങൾ ഒക്കെ തന്നെ പൊലൂഷൻ കണ്ട്രോൾ ബോർഡിന്റെ ഓറഞ്ച് ക്യാറ്റഗറിയിൽ ഉള്ളതാണ്. അരുമ മൃഗങ്ങൾക്കുള്ള തീറ്റ പലതും, മാംസം അടങ്ങിയിരിക്കുന്നതുകൊണ്ട്, റെഡ് കാറ്റഗറി നിർമ്മാണ സംവിധാനങ്ങൾ ആവശ്യമുള്ളതാണ്. ഇതാണോ കാരണം ?

-----------------------------------------

To explore more topics on this blog,  Click Here

---o0o---

Note: The views expressed in this blog are entirely my personal opinions and do not represent the official stance or views of any organization or entity I am associated with. If any content here violates any rules or regulations of any nation, it will be promptly removed. For such concerns, please communicate them to 13hareesh13@gmail.com.