#16 - കേരളത്തിലെ സ്പിന്നിങ് മില്ലുകൾ

 

കേരളത്തിലെ സ്പിന്നിങ് മില്ലുകളുടെ ശോചനീയാവസ്ഥ പത്രങ്ങളിൽ സ്ഥിരം ഇടം നേടാറുണ്ട്. എന്താണ് ഈ അവസ്ഥക്ക് പരിഹാരം?

കൈത്തറി എന്ന ബിസിനസ്സ് മേഖല കേരളത്തിൽ നിന്ന് പൂർണമായി തുടച്ചുനീക്കപെടാൻ ഇടയാക്കാതെ, തുണിത്തരങ്ങൾക്കുള്ള നല്ല വിപണി എന്നതു മാത്രമാകാതെ, തുണി ഉത്പ്പാദനത്തിനും സ്വയം പര്യാപ്തത കൈവരിക്കാൻ നമുക്ക് സാധിക്കില്ലേ ?

സർക്കാർ ക്രിയാത്മകമായി ഇടപെടുന്നുണ്ടെങ്കിലും സ്ഥിരമായി ഉയർന്നുകേൾക്കുന്ന പ്രശ്നങ്ങൾ വൈദുതി ബില്ല് , നൂൽ മേടിക്കാനുള്ള വർക്കിംഗ് ക്യാപിറ്റൽ ഇല്ലായ്മ എന്നിവയാണ്.

എല്ലാ സ്പിന്നിങ് മില്ലുകളും സോളാർ വൈദ്യുതി ആക്കുന്നതിന് ഒരു പ്രൊജക്റ്റ് രൂപപ്പെട്ടെങ്കിലും പിന്നീട് അവ മുൻപോട്ട് പോയതായി കാണുന്നില്ല. കേരളത്തിലെ പല പൊതുമേഖലാ സ്ഥാപനങ്ങൾക്കും സോളാർ പദ്ധതികൾ ഉണ്ട്. അവയുമായി കൈ കോർത്ത് അവർക്ക് അധികമായി വരുന്ന വൈദുതി സ്പിന്നിങ് മില്ലുകൾക്ക് ലഭ്യമാക്കികൂടെ? ഏറ്റവും കുറഞ്ഞത്, ഞായറാഴ്ചയോ അതേപോലെയുള്ള ഒഴിവുദിവസങ്ങളിലോ ഈ സ്ഥാപനങ്ങളിൽ ഉത്പാദിപ്പിക്കുന്ന വൈദുതി സ്പിന്നിങ് മില്ലുകൾക്ക് ലഭ്യമാക്കാം. ഇതിന്റെ തുക നേരിട്ടോ , തുണിയായോ, സർക്കാർ ഉറപ്പിന്മേലോ വൈദുതി ഉത്പാദിപ്പിക്കുന്ന സ്ഥാപനങ്ങൾക്ക് ലഭ്യമാക്കാൻ സ്പിന്നിങ് മില്ലുകൾക്ക് സാധിക്കില്ലേ ?

നൂൽ എന്ന അസംസ്‌കൃത വസ്തു പഞ്ഞിയിൽ നിന്നാണ് ഉത്പാദിപ്പിക്കുന്നത്. പഞ്ഞി പ്രോസസ്സിംഗ് ചെയ്ത് നൂൽ ആക്കുന്നത് ഈ സ്പിന്നിങ് മില്ലുകളിൽ ഒന്നും ലഭ്യവുമല്ല. എന്തുകൊണ്ടാണ് പഞ്ഞി മേടിക്കുകയും നൂൽ ഉത്പാദിപ്പിക്കുകയും ചെയ്യുക എന്ന പ്രവർത്തി back ward integration ബിസിനസ്സ് സ്ട്രാറ്റജി ആയി നടപ്പിലാക്കാത്തത്?

കേരളത്തിലെ കർഷകർക്ക് നല്ല വിളവും മിതമായ വിലയും ലഭിക്കുകയാണെങ്കിൽ പരുത്തി കൃഷിയിക്ക് അവർ തയ്യാറാവും. തമിഴ്നാട് പോലെയുള്ള സ്ഥലങ്ങളിൽ വലിയ നൂൽ ഉത്പാദിപ്പിക്കുന്ന കമ്പനികൾ, കർഷകർക്ക് Buy Back ഗ്യാരണ്ടീയിൽ വിത്തും, വളവും സബ്സിഡി നിരക്കിൽ നൽകി പരുത്തി കൃഷി പ്രോത്സാഹിപ്പിക്കുന്നുണ്ട്. ഈ രീതി കേരളത്തിലും പരുത്തി കൃഷിക്ക് അനുയോജ്യം തമിഴ്‌നാടാണെങ്കിൽ അവിടെ നമ്മുടെ സ്പിന്നിങ് മില്ലുകൾക്കും ചെയ്തുകൂടെ ?

പരുത്തി കൃഷി കേരളത്തിന് അത്ര പരിചിതമല്ല. കാലാവസ്ഥ ഒരു പ്രധാന കാരണമാണ്. എന്നാൽ പോളി ഹൗസ് പോലുള്ള നൂതന കൃഷി രീതികൾ അവലംബിച്ചാൽ ഇതിൽ മാറ്റം കൊണ്ടുവരാൻ സാധിക്കില്ലേ ?

-----------------------------------------

To explore more topics on this blog,  Click Here

---o0o---

Note: The views expressed in this blog are entirely my personal opinions and do not represent the official stance or views of any organization or entity I am associated with. If any content here violates any rules or regulations of any nation, it will be promptly removed. For such concerns, please communicate them to 13hareesh13@gmail.com.