#8 - മാർക്കറ്റിംഗ് രീതികൾ - ടെണ്ടറുകളിൽ പങ്കെടുക്കൽ

 

മാർക്കറ്റിംഗ് രീതികൾ - 

ടെണ്ടറുകളിൽ പങ്കെടുക്കൽ 

ടെണ്ടറുകളിൽ പങ്കെടുക്കുക എന്നത് ഒരു മാർക്കറ്റിങ് രീതിയാണ്.  വിഡ്ഢിത്തമാണ് എന്ന് നിങ്ങള്ക് ഒറ്റനോട്ടത്തിൽ തോന്നിയെങ്കിൽ തുടർന്ന് വായിക്കാം.

മാർക്കറ്റിങ് കൊണ്ട് ഉദ്ദേശിക്കുന്ന ലക്ഷ്യം ഒരു പ്രോഡക്റ്റ് അല്ലെങ്കിൽ സർവീസ് നിങ്ങളുടെ കൈവശം ഉണ്ട് എന്നത് അത് ആവശ്യമുള്ളവരെ അല്ലെങ്കിൽ ആവശ്യം വരാൻ സാധ്യതയുള്ളവരെ അറിയിക്കുകയും വാങ്ങാൻ പ്രേരിപ്പിക്കുകയും ചെയ്യുക എന്നതാണല്ലോ.

ഇവിടെയുള്ള രണ്ടു പ്രധാന കാര്യങ്ങൾ,

ഒന്ന് "ആവശ്യമുള്ളവരുടെ അടുത്ത് മാർക്കറ്റിങ് എത്തണം " 

രണ്ട് "അവർക്ക് ആവശ്യമുള്ളപ്പോൾ ഓർമപ്പെടുത്തൽ ആയി എത്തണം"

ഒരു കമ്പനി ടെൻഡർ പബ്ലിഷ് ചെയ്യുമ്പോൾ ഒരു പ്രോഡക്റ്റ് അല്ലെങ്കിൽ ഒരു സേവനം വേണം എന്ന് ആവശ്യമുള്ളവർ അറിയിക്കുകയാണ് ചെയുന്നത്.

അപ്പോൾ നമ്മളുടെ കയ്യിൽ ആ പ്രോഡക്റ്റ് അല്ലെങ്കിൽ സർവീസ് ഉണ്ട് എന്ന് എങ്ങനെ അവർ മനസിലാക്കും? ഉത്തരം ലളിതം. നമ്മൾ ആ ടെണ്ടറിൽ പങ്കെടുത്താൽ മതി. അപ്പോൾ നമ്മുടെ കയ്യിൽ അവർ ആവശ്യപ്പെട്ട പ്രോഡക്റ്റ് അല്ലെങ്കിൽ സേവനം ഉണ്ടെന്നും അതിനുള്ള വില എന്താണെന്നും നമ്മൾ ആവശ്യക്കാരനെ അറിയിച്ചു.

ഇനി ടെൻഡർ നടപടികളെക്കുറിച്ചു ചില കാര്യങ്ങൾ 

ടെണ്ടരുകൾ പൊതുമേഖലാ സ്ഥാപനങ്ങൾ, ഡിപ്പാർട്ടുമെന്റുകൾ എന്നിവർ ഗവണ്മെന്റ് അംഗീകൃത വെബ്സൈറ്റുകളിൽ അല്ലെങ്കിൽ സ്വന്തം വെബ്സൈറ്റുകളിൽ ആണ് പ്രസിദ്ധീകരിക്കുന്നത്.

ഗവണ്മെന്റ് നിയമങ്ങൾ പ്രകാരം ഏറ്റവും കുറഞ്ഞത് 7 ദിവസമെങ്കിലും ഒരു ടെൻഡർ പ്രസിദ്ധീകരിക്കണം, അതായത് ഒരു ടെൻഡറിൽ പങ്കെടുക്കാൻ അത് പ്രസിദ്ധീകരിച്ച ദിവസം മുതൽ  കുറഞ്ഞത് 7 ദിവസത്തെ സമയം ഉണ്ടാകും.

ഈ ഏഴു ദിവസത്തിനുള്ളിൽ (മിനിമം സമയം ടെൻഡർ പ്രസിദ്ധീകരിക്കുന്നു എന്ന അനുമാനത്തിൽ പോകാം , അതിൽ കൂടുതലായാൽ നല്ലത് ) നമ്മൾ ടെൻഡർ കാണുകയും പങ്കെടുക്കുകയും വേണം.   ആഴ്ചയിലെ രണ്ടു ദിവസം ടെണ്ടർ സെർച്ച് വാക്കുകൾ ഉപയോഗിച്ച എല്ലാ ടെൻഡർ പ്രസിദ്ധീകരണ സൈറ്റുകളും സെർച്ച് ചെയ്യുക. ബുധൻ ആൻഡ് ഞായർ ആയാൽ നന്ന്. മിനിമം ടെൻഡർ പ്രസിദ്ധീകരിക്കാനുള്ള സമയം വച്ചുകൊണ്ടാണ് ഈ രണ്ടു ദിവസം പറയുന്നത് . ടെൻഡറുകൾ മിസ്സ് ആവാതെ വേറെയും ദിവസങ്ങൾ തിരഞ്ഞെടുക്കാം

ഇനി നമുക്ക് നമ്മുടെ സ്ഥാപനത്തിന്റെ പ്രോഡക്റ്റ് അല്ലെങ്കിൽ സർവീസ് ആയി ബന്ധപ്പെട്ട ടെൻഡറുകൾ ഉണ്ടോ എന്ന് എങ്ങനെ അറിയും. അതിനുള്ള ഒരു മാർഗം നോക്കാം 

1. നമ്മുടെ പ്രോഡക്റ്റ് അല്ലെങ്കിൽ സേവനവുമായി ബന്ധപ്പെട്ട വാക്കുകളുടെ ഒരു ലിസ്റ്റ് ഉണ്ടാക്കുക. ഉദാഹരണത്തിന് സ്റ്റീൽ ഫാബ്രിക്കേഷൻ ആണ് നിങ്ങളുടെ സേവനം എങ്കിൽ സാധാരണയായി അവസ്യപ്പെടുന്ന സേവനങ്ങളിൽ സ്റ്റീൽ, ഫാബ്രിക്കേഷൻ, തുടങ്ങിയ വാക്കുകൾ കാണാം.

ആദ്യം ടെൻഡറുകൾ പ്രസിദ്ധീകരിക്കുന്ന സൈറ്റുകൾ ലിസ്റ്റ് ചെയ്യുക (ഒരു എക്സൽ ഷീറ്റിൽ ആക്കി വച്ചാൽ നന്നാവും )

നമ്മുടെ സേവനങ്ങളുമായി ബന്ധമുള്ള വാക്കുകൾ മറ്റൊരു എക്സൽ ഷീറ്റിൽ ടൈപ്പ് ചെയ്തു വക്കുക. വാക്കുകൾ എന്ന് പറഞ്ഞാൽ ഒരു ഉദാഹരണം പറയാം. സ്റ്റീൽ ഫാബ്രിക്കേഷൻ ആണ് നിങ്ങളുടെ പ്രദാന സേവനം എന്ന് വക്കുക. ടെൻഡറുകൾ പ്രസിദീകരിക്കുമ്പോൾ അവർ വർക്ക് ഡിസ്ക്രിപ്ഷൻ ആയി എഴുതാൻ സാധ്യതയുള്ള വാക്കുകൾ എന്തൊക്കെയാവും എന്ന് നോക്കാം. സ്റ്റീൽ , ഫാബ്രിക്കേഷൻ , iron, വെൽഡിങ് , ഗേറ്റ് , ഗ്രിൽ, ഗ്രേറ്റിങ്സ്, ടാങ്ക് , സ്റ്റോറേജ് ടാങ്ക് , പൈപ്പിങ് അങ്ങനെ നിങ്ങളുടെ സേവനങ്ങളുമായി ബന്ധപ്പെട്ടുള്ള ലിസ്റ്റ് തയ്യാറാക്കുക. ഇത് ആദ്യം ഒരു ചെറിയ ലിസ്റ്റ് ആകും പിന്നീട് ടെണ്ടറുകളിൽ നിന്ന് തന്നെ വാക്കുകൾ കിട്ടും അത് ലിസ്റ്റിൽ അപ്ഡേറ്റ് ചെയ്യുക അങ്ങനെ ലിസ്റ്റ് വലുതാകും. ഈ വാക്കുകൾ എല്ലാ ടെൻഡറുകൾ പ്രസിദ്ധീകരിക്കുന്ന എല്ലാ സൈറ്റിലും സെർച്ച് ചെയ്യുക. അങ്ങനെ ടെൻഡറുകൾ കണ്ടെത്താൻ സാധിക്കും

ഇനി പങ്കെടുക്കുമ്പോൾ പൊതുമേഖലാ സ്ഥാപനങ്ങൾ നേരിടുന്ന പ്രശ്നങ്ങളെ എങ്ങനെ നോക്കികാണണം, പങ്കെടുക്കേണ്ടത് എങ്ങനെ, ടെൻഡറുകൾ എങ്ങനെ കണ്ടെത്താം, എന്നെല്ലാം എന്ന് ചർച്ച ചെയ്യാം.

കമ്പനിയുടെ ലഘുലേഘ (Brochure): എല്ലാ ടെണ്ടറുകൾക്കൊപ്പവും കമ്പനിയുടെ മറ്റു പ്രൊഡക്ടുകളുടെ സേവനങ്ങളുടെ ലഘുലേഘ (Brochure) അപ്‌ലോഡ് ചെയ്യണം അല്ലെങ്കിൽ ഇമെയിൽ/കൊറിയർ അയക്കണം. ടെൻഡർ വിളിക്കുന്നത് ഏതെങ്കിലും ഒരു പ്രൊഡക്ടിന് അല്ലെങ്കിൽ സേവനത്തിന് ആയിരിക്കും നിങ്ങൾ നൽകുന്ന മറ്റു സേവനങ്ങൾ അവർക്ക് ഭാവിയിൽ ആവശ്യം വരുമ്പോൾ തീർച്ചയായും അവർ നിങ്ങളുമായി ബന്ധപ്പെടും.

ചിലപ്പോൾ നിങ്ങൾ നൽകുന്ന ഏതെങ്കിലും സേവനം അവർ തിരയുകയും അവർക്ക് ഉതകുന്ന രീതിയിലുള്ള vendor കിട്ടാതെ ഉള്ള സാഹചര്യവും ഉണ്ടായാൽ തീർച്ചയായും അവർ നിങ്ങളുമായി ബന്ധപ്പെടും.

കുറിപ്പ് : അഭിപ്രായങ്ങൾ വ്യക്തിപരം

-----------------------------------------

To explore more topics on this blog,  Click Here

---o0o---

Note: The views expressed in this blog are entirely my personal opinions and do not represent the official stance or views of any organization or entity I am associated with. If any content here violates any rules or regulations in India, it will be promptly removed. For such concerns, please communicate them to 13hareesh13@gmail.com.