#5 വ്യവസായ-അക്കാദമിയ സഹകരണങ്ങൾ എന്തിനാണ് നാമെല്ലാം പഠിച്ചത്? അറിവ് കിട്ടാൻ അല്ലെങ്കിൽ ജോലി കിട്ടാൻ എന്തിനും ആയിക്കൊള്ളട്ടെ, ഈ അറിവ് പ്രായോഗികമാക്കാൻ ജോലി കിട്ടണം അല്ലേ ? എന്നാൽ പഠിക്കുമ്പോൾ ഈ അറിവ് പ്രയോഗിക്കാൻ പറ്റിയാലോ? പഠനം രസകരമാവും, കൂടാതെ എന്തിനാണ് പഠിക്കുന്നത് എന്ന് മനസിലാവും. പൊതുമേഖലാ സ്ഥാപനങ്ങളിൽ മെച്ചപ്പെടുത്തലുകൾ ആവശ്യമായ ഒരു പാട് സ്ഥലങ്ങൾ/മേഖലകൾ ഉണ്ടാകും. അതെല്ലാം ചെയ്യാൻ ആവശ്യമായ സമയം, ആളുകൾ, വിദഗ്ദ്ധർ എന്നിവർ ഉണ്ടാവണമെന്നില്ല. ഇങ്ങനെയുള്ള സാഹചര്യത്തിൽ ഒരു നല്ല വ്യവസായ-അക്കാദമിക സാഹചര്യം സൃഷ്ടിക്കപെട്ടാലോ? വ്യവസായ സ്ഥാപനങ്ങളിൽ ഉള്ള സാങ്കേതികപ്രശ്നങ്ങളും മാനേജ്മെൻ്റ് പ്രശ്നങ്ങളും എന്തുമായിക്കൊള്ളട്ടെ അവ വിദ്യാഭ്യാസ സ്ഥാപനങ്ങളിലേക്ക് എത്തിയാൽ, വിദ്യാഭ്യാസസ്ഥാപനങ്ങൾക്ക് പഠിപ്പിക്കുന്ന അറിവുകൾ പ്രായോഗികമായി ഉപയോഗിക്കാൻ പറ്റുകയും വ്യവസായ സ്ഥാപനങ്ങൾക്ക് അവരുടെ പ്രശ്നങ്ങൾക്ക് പരിഹാരം ലഭിക്കുകയും ചെയ്യും. ഗവേഷണം, ടെസ്റ്റിംഗ്, പുതിയ കണ്ടുപിടിത്തങ്ങൾ, പ്രോസസ്സ് ഇമ്പ്രൂവ്മെന്റ്സ് അങ്ങനെ വ്യവസായങ്ങൾക്കാവശ്യമായ പല കാര്യങ്ങളും വിദ്യാഭ്യാസസ്ഥാ...