#3 - ബിസിനസ് വെർട്ടിക്കൽസ്
നിങ്ങളുടെ കമ്പനിയുടെ ബിസിനസ്സ് എന്താണ് ?
കമ്പനിയുടെ മെമ്മോറാണ്ടം ഓഫ് അസോസിയേഷൻ പ്രകാരമുള്ള എന്തും കമ്പനിയുടെ ബിസിനസ്സ് ആയി ചെയ്യാവുന്നതാണ്.
പൊതുമേഖലാ കമ്പനികളിലെ വലിയ ഒരു അളവ് കമ്പനികളും എന്താണോ പണ്ട് ചെയ്തിരുന്നത് അത് തുടരുകയാണ് ചെയുന്നത്. പുതുമയോ കാലാതീതമായ മാറ്റമോ ഒന്നും അവകാശപ്പെടാൻ ഉണ്ടാവാറില്ല.
(എന്നാൽ ശമ്പളം കാലാനുസൃതമായി വളർന്നും പണിയെടുക്കാനുള്ള മനോഭാവം കാലാനുസൃതമായി തളർന്നും കാണപ്പെടും.)
കാലാനുസൃതമായ മാറ്റങ്ങൾക്കൊപ്പം പുതിയ ബിസിനസ് മേഖലകളും കണ്ടെത്തിയാൽ മാത്രമേ കമ്പനികൾക്ക് വളരാൻ സാധിക്കുകയുള്ളു എന്നത് എല്ലാവരും അംഗീകരിക്കുന്ന സത്യമാണ്.
പുതിയ ബിസിനസ്സ് മേഖലകൾ എങ്ങനെ കണ്ടെത്താം?
ഇപ്പോൾ നിങ്ങളുടെ കമ്പനി ചെയ്യുന്ന ബിസിനസ് എന്തൊക്കെയാണ്? അതെല്ലാം ക്രമമായി എഴുതുക. അതിനുശേഷം മെമ്മോറാണ്ടം ഓഫ് അസോസിയേഷൻ പ്രകാരം എന്തെല്ലാം ബിസിനസ്സ് കമ്പനിക്ക് ചെയ്യാം എന്ന് നോക്കുക. അതിനു ശേഷം ആ ബിസിനസ്സുകൾ എല്ലാം കമ്പനി ചെയ്യുന്നുണ്ടോ എന്ന് നോക്കുക. ഇല്ലെങ്കിൽ ആ ബിസിനസ് എല്ലാം നടത്തുക. അങ്ങനെ പുതിയ ബിസിനസ് വെർട്ടിക്കൽസ് ഉണ്ടാക്കിയെടുക്കാം
ഇനി അതിൽ ഏതൊക്കെ/എന്തൊക്കെ ചെയ്യാൻ കഴിയും എന്ന് നോക്കിയിട്ട് മനസിലാവുന്നില്ലെങ്കിൽ മറ്റൊരു കാര്യം ചെയ്യാം. നിങ്ങളുടെ കമ്പനിയുടെ അതേ ബിസിനസ് ചെയ്യുന്ന കമ്പനികളുടെ വെബ്സൈറ്റ് സന്ദർശിക്കുക. അവർ എന്തൊക്കെ സേവനങ്ങൾ / ഉത്പ്പന്നങ്ങൾ ആണ് ചെയ്യുന്നത് എന്ന് നോക്കുക അതിൽ നിങ്ങളുടെ കമ്പനിക്കു ഏതെല്ലാം ചെയ്യാം എന്ന് കണ്ടെത്തുക അങ്ങനെ കമ്പനിയുടെ ബിസിനസ് വെർട്ടിക്കൽസ് വർദ്ധിപ്പിക്കാം.
മറ്റൊരു വഴി കൂടി ഉണ്ട്. നമ്മുടെ ബിസിനസ് മേഖലയുമായി സാമ്യം ഉള്ള കമ്പനികളുടെ ആന്വൽ റിപ്പോർട്ട് നോക്കുക. അതിൽ ആ കമ്പനികൾ അടുത്ത സാമ്പത്തിക വർഷത്തിൽ ഉന്നം വെക്കുന്ന മേഖലകൾ ഏതൊക്കെ എന്ന് മനസിലാക്കാൻ ആവും. ആ മേഖലകളും ആ പ്രവർത്തനങ്ങളും നമുക്കും പ്രാവർത്തികമാക്കാൻ ശ്രമിക്കാം.
നിരന്തരമായ തിരയലുകൾ
പുതിയ ബിസിനസ് മേഖലകൾ കണ്ടെത്താൻ തുടർച്ചയായ, നിരന്തരമായ തിരയലുകൾ ആവശ്യമാണ്. ഇതിലേക്ക് ഉള്ള ഒരു മാർഗം ഇപ്പോഴുള്ള ബിസിനസ് വെർട്ടികലുകൾ ആദ്യം കണ്ടെത്തുക. ഓരോന്നിലും ഇപ്പോഴുള്ള പ്രവർത്തനങ്ങൾ/ഉത്പന്നങ്ങൾ എന്നിവ എഴുതുക. അതിനു ശേഷം ഓരോന്നിലും അടുത്ത പ്രവർത്തനം/ഉത്പന്നം ഏതാണ് എന്ന് എഴുതുക. ആ എഴുതിയ പ്രവർത്തനം/ഉത്പന്നം പൂര്ണമായാൽ അടുത്ത പ്രവർത്തനം/ഉത്പന്നം ഏതാണ് എന്ന് തീരുമാനിക്കുക അങ്ങനെ ബിസിനസ് മേഖല വിപുലമാക്കാൻ സാധിക്കും.
-----------------------------------------
To explore more topics on this blog, Click Here
---o0o---
Note: The views expressed in this blog are entirely my personal opinions and do not represent the official stance or views of any organization or entity I am associated with. If any content here violates any rules or regulations in India, it will be promptly removed. For such concerns, please communicate them to 13hareesh13@gmail.com.
